ზიდანს სურს, რომ სასწაული მოახდინოს და ბერნაბეუზე წაგებული მატჩის შემდეგ, „სიტის“ ინგლისში მოუგოს...

ფრანგი ლეგენდის გეგმებში ჩემპიონთა ლიგის მომდევნო ეტაპზე გასვლა შედის, აქედან გამომდინარე, ის ყველაფერს აკეთებს იმისათვის, რომ მანჩესტერულ კლუბს სწორი ტაქტიკა დაუპირისპიროს, რომელიც საბოლოო ჯამში გამარჯვების მომტანი იქნება.

„მარკა“ იუწყება, რომ ანალოგიურს პეპ გუარდიოლაც აკეთებს. საყოველთაოდ ცნობილია, რომ კატალონიელი სპეციალისტი ჩემპიონთა ლიგის მეტოქეებს ყოველთვის განსაკუთრებული ყურადღებით სწავლობს.

ვრცელდება ინფორმაცია, რომლის მიხედვითაც, „ბლანკოსი“ ინგლისში სულ სხვა ტაქტიკით ითამაშებს, თუმცა რა თქმა უნდა უცნობია, ვინ რა ადგილს დაიკავებს და როგორ ფორმირდება გუნდის შემადგენლობა.

ასევე „მარკას“ ინფორმაციით, ჩემპიონთა ლიგის მაისის ბოლოს განახლების შემთხვევაში, „რეალს“ ედენ აზარიც დაეხმარება, მარკო ასენსიო კი 100%-ით მზად იქნება.