ლუკას ვასკესს მადრიდის „რეალთან“ კონტრაქტი 2021 წლის 30 ივნისს ეწურება...

აღნიშნული ნიშნავს იმას, რომ მხარეები ან ახალ ხელშეკრულებაზე უნდა შეთანხმდნენ, ან ერთმანეთს დაემშვიდობონ, ვინაიდან სულ რაღაც 1 წელიწადში ვასკესი თავისუფალი აგენტის სტატუსს მიიღებს. 2 კვირის წინ ვრცელდებოდა ინფორმაცია, რომლის მიხედვითაც, ლუკა ახალ, 4 წლიან კონტრაქტს მოაწერდა ხელს, მაგრამ მას შემდეგ, რაც ზინედინ ზიდანმა წინახაზელების დამატების სურვილი გამოთქვა, ვასკესი მიხვდა, რომ მისი შანსი კიდევ უფრო მცირდება, აქედან გამომდინარე, შესაძლოა მან სხვა კლუბების წინადადებები მოისმინოს. ნებისმიერ შემთხვევაში, ზაფხულის სატრანსფერო ფანჯრის დროს ესპანელის მომავალი გაირკვევა.