ესპანური გამოცემები იუწყებიან, რომ მადრიდის „რეალი“ „ახალ რონალდოს“ ყიდულობს. საქმე ეხება 19 წლის ფორვარდს, მარკუს პაულოს, რომელიც „ფლუმინენსეს“ ღირსებას იცავს და ადგილობრივ გუნდთან კონტრაქტი 2021 წლის ივნისში ეწურება.

პაულო ძალიან დიდი პერსპექტივის მქონე ფეხბურთელად ითვლება. გავრცელებული ინფორმაციით, მარკუსზე ინტერესი უკვე გამოაცხადეს „მილანმა“, „დორტმუნდმა“ და „ჰოფენჰაიმმა“.

მადრიდის „რეალის“ პრეზიდენტის, ფლორენტინო პერესის სკაუტები საკმაოდ ეფექტურად მუშაობენ ბრაზილიაში, რაზეც ისიც მეტყველებს, რომ უკვე „ბლანკოსს“ ეკუთვნიან მილიტაო, რეინიერ ჟესუსი, როდრიგო გოეში და ვინისიუს ჟუნიორი.

მადრიდში თვლიან, რომ მარკუს პაუოლოს კანდიდატურა ხელიდან გასაშვები არ არის, თანაც ამ ფეხბურთელის ფასი მაქსიმუმ 15 მილიონი ევრო იქნება, ვინაიდან 1 წელიწადში კონტრაქტი ეწურება, ახალ ხელშეკრულებას კი ხელს არ აწერს.

მარკუსს ახალ რონალდოსაც უწოდებენ, ის მუდმივად ბურთის კარში გატანაზეა ორიენტირებული და რა თქმა უნდა სხვადასხვა მიმართულებით განვითარების შანსი აქვს. ამ ეტაპზე ფეხბურთელის სიმაღლე 186 სანტიმეტრია და მეორე სართულზეც ბრწყინვალედ იბრძვის.

იხილეთ ვიდეო, რათა უკეთესი შთაბეჭდილება შეგექმნთ ფეხბურთელზე