ფლორენტინო პერესსა და ზინედინ ზიდანს შორის ერლინგ ჰოლანდთან დაკავშირებით მოლაპარაკებები მიმდინარეობდა. პრეზიდენტს აინტერესებს, რამდენად შევა ფრანგი ლეგენდის გეგმებში ახალგაზრდა წინახაზელი, რომელსაც უდიდეს მომავალს უწინასწარმეტყველებენ..

„მე ის მჭირდება“-სწორედ ამ სიტყვებით მიმართა ზიზუმ პერესს. პრეზიდენტი თავის მხრივ აქტიურობას იწყებს, ვინაიდან დარწმუნებულია, რომ ზაფხულში ევროპის გრანდები ჰოლანდის დამატებას ეცდებიან და მას ბუნდესლიგაში არავითარ შემთხვევაში არ დატოვებენ.

ფეხბურთელის გამოსასყიდი თანხა სულ რაღაც 75 მილიონი ევროა, რომელსაც დიდი ალბათობით ყველა გუნდიგ გადაიხდის.

ახლა მთავარი ის არის, რომ სამეფო კლუბმა ნიჭიერ ფორვარდს კარგი პირობები შესთავაზოს, რათა ერლინგმა იგრძნოს, რომ საუკეთესო გადაწყვეტილება „მერენგების“ რიგებში გადასვლა იქნება.