მადრიდის „რეალის“ ოფიციალურმა ვებ-გვერდმა კლუბის ოფიციალური განცხადება გვამცნო...

მადრიდის „რეალის“ პრეზიდენტი და დირექტორთა საბჭო სინანულით გამოხატავენ დიდ მწუხარებას კლუბის ყოფილი მმართველის, ლორენცო სანსის გარდაცვალების გამო, რომელიც გუნდს სათავეში 1995-2000 წლებში ედგა.

კლუბის ხელმძღვანელობას ასევე სურს სოლიდარობა გამოუცხადოს ლორენცოს მეუღლეს, შვილებს, შვილიშვილებს და ოჯახის მეგობრებს.

ლორენცო სანსის ეპოქას უკავშირდება 32 წლიანი პაუზის შემდეგ მადრიდის „რეალის“ ტრიუმფი ჩემპიონთა ლიგაზე, რომელიც გუნდმა 1998 წელს დააფიქსირა.

„რეალს“ სანსის მმართველობის დროს ჩემპიონთა ლიგის 2 თასი აქვს მოგებული, ასევე 1 ლა ლიგა, 1 ინტერკონტინენტალის თასი და ერთიც ესპანეთის სუპერთასი. სანსის მმართველობის დროს კალათბურთელებმა ასევე 2 ჯილდოს მოგება შეძლეს.

მადრიდის „რეალი“ გლოვობს იმ პრეზიდენტის დაკარგვას, რომელმაც ცხოვრების დიდი ნაწილი მიუძღვნა კლუბის განვითარებას.