ესპანური და ფრანგული გამოცემები საინტერესო ინფორმაციას იუწყებიან, რომელიც კილიან მბაპეს ეხება.

პარიზში პანდემიას სერიოზულად ებრძვიან, თუმცა „პსჟ“ იმასაც ცდილობს, რომ დრო იხელთოს და კილიან მბაპეს დაყოლიება შეძლოს, თუმცა ვითარება საკმაოდ სერიოზულად დაიძაბა.

იმ შემთხვევაში, თუ მიმდინარე სეზონი 30 ივნისამდე ვერ დასრულდება, არ არის გამორიცხული, სატრანსფერო ფანჯარაც სხვა დროს გაიხსნას და ფეხბურთელების კონტრაქტების გადაიხედოს.

კილიანისა და „პსჟ“-ს ხელშეკრულებას 2022 წლის 30 ივნისს ეწურება ვადა, რაც პარიზულ მხარეს ასე თუ ისე სიმშვიდის შენარჩუნების საშუალებას აძლევს, მაგრამ ალ ჰელაიფი განახლების საკითხს კვლავ აქტუალურად განიხილავს.

მბაპესა და „პსჟ“-ს ურთიერთობა დასრულებულია - ამას სწორედ ესპანური და ფრანგული გამოცემები იუწყებიან, რომლებიც დარწმუნებით გვამცნობენ, რომ ფეხბურთელმა ხელმძღვანელობას კატეგორიულად განუცხადა, რომ მოქმედ კონტრაქტს პატივს სცემს, თუმცა განახლებაზე საუბარი ზედმეტია. მეტიც, მბაპე არ აპირებს ხელშეკრულების პირობების გადახედვას იმ შემთხვევაშიც, კი თუ კალენდარი შეიცვლება და ეს ყველაფერი დალაგებას ვერც 2022 წლამდე ვერ მოახერხებს.

კილიანს ეჭვი არ ეპარება, რომ 2021-ში „პსჟ“ მას გაყიდის, ვინაიდან 2022-ში მისი უფასოდ გაშვება არავის გეგმებში არ შედის, თუმცა ფეხბურთელს ნაწილობრივ იმის იმედიც აქვს, რომ „რეალში“ მოხვედრას 2020-შიც შეძლებს.

დასკვნის სახით შეიძლება ვთქვათ, რომ კილიანის დღეები პარიზში დათვლილია და „პსჟ“-ს ოცნება მის ახალ კონტრაქტთან დაკავშირებით დასრულებულია.