"ძნელია, მაგრამ ყველაფერი შეიძლება მოხდეს. სანამ ამის მათემატიკური შანსი მაინც არსებობს, ჩვენ ამის უნდა გვჯეროდეს, მიუხედავად იმისა, მოეჩვენება თუ არა ეს ვინმეს ილუზიად." მისი აზრით, ორი რამ უნდა მოხდეს ბოლო ტურში, "რეალმა" "მალაგა" უნდა დაამარცხოს, ხოლო "ბარსელონამ" კი თამაში უნდა ჩააგდოს. პორტუგალიელმა ვარსკვლავმა ყურადღება გაამახვილა იმ ფაქტზეც, რომ "დღესდღეობით "მადრიდის რეალი" სრულიად ახალ ჩამოყალიბებული კლუბია. იმ გაგებით, რომ აქ ბევრი ახალი ფეხბურთელია მოსული, გვყავს ახალი მწვრთნელი, ასე რომ პირველ სეზონში წარმატებებს თუ არ მივაღწიეთ , მართალია სამწუხარო იქნება, მაგრამ არა გასაკვირი. მთავარია, მუშაობა გავაგრძელოთ იმ იმედით, რომ ეს შრომა აუცილებლად დაგვიფასდება."

"მადრიდის რეალში" გადმოსვლა ჩემი ოცნება იყო. ეს კლუბი ჩემი "სახეა", ვინაიდან მე სრულიად ვჯდები მის ისტორიაში, სახელში და იმ დიდებაში, რომელიც ამ კლუბთან არის დაკავშირებული. "მადრიდის რეალი" ჩემი კლუბი და ჩემი სახლია... მინდა აქ რაც შეიძლება დიდხანს ვითამაშო"– ეს რონალდუს სიტყვებია, რაც კიდევ ერთხელ უსვამს ხაზს იმას, რომ პორტუგალიელი ძალიან კომფორტულად გრძნობს თავს მადრიდში. მას სულაც არ გაჭირვებია მადრიდთან ადაპტაცია, ვინაიდან, როგორც თავად ფეხბურთელი ამბობს "ეს მისი ერთ–ერთი უსაყვარლესი ქალაქია." რაც შეეხება მის მთავარ სიყვარულს, ეს ფეხბურთია, ესაა მისი საქმე და მისი ცხოვრება, ისევე როგორც მისი ოჯახის წევრები. ის სულ რაღაც 11 წლის იყო, როცა ლისაბონში გადავიდა რომ ფეხბურთელი გამოსულიყო.

მისი ხასიათი მას უნიკალურს ხდის: "მე მიყვარს შესაძლებლობების მაქსიმალურად გამოყენება. ბევრი თვისება გამაჩნია, ზოგჯერ ვცდები, მაგრამ მთავარი ისაა, რომ შეცდომებზე ვსწავლობ. მართალია მიჭირს , მაგრამ მარცხს ვღებულობ, ვინაიდან ამისგან მერე უფრო მოტივირებული ვარ." პორტუგალიელი აღფრთოვანებულია კლუბში არსებული ატმოსფეროთი, მას შესანიშნავი დამოკიდებულება აქვს თანაგუნდელებთან: "აქ ყველაფერი კარგადაა, შესანიშნავი ატმოსფეროა." რონალდუ კომპლიმენტებს არ იშურებს თანაგუნდელების მიმართ: "გუტი შესანიშნავი ფეხბურთელია, დიდი პატივია მასთან თამაში. იგუაინი ძალიან კარგი თავდამსხმელია, კაკა ჩემი მეგობარია და მე აბსოლიტურად დარწმუნებული ვარ, რომ ის ბევრ წარმატებას მიაღწევს ამ კლუბში. ბენზემას ადაპტაციის პროცესი ისეთი ტემპით არ განვითარდა, როგორც ჩემი, მაგრამ ის აუცილებლად იტყვის თავის სიტყვას."

უნდა აღინიშნოს, რომ კრიშტიანო რონალდუ ყველაზე თბილად კლუბის კაპიტანზე ლაპარაკობს: "რაული მაგალითია, დიდი პროფესიონალია, მიხარია, რომ მასთან ყოველდღე მიწევს მუშაობა. მის შემხედვარეს მიჩნდება სურვილი, რომ კლუბში დიდ ხანს დავრჩე.

პორტუგალიელი წელს შესანიშნავ სეზონს ატარებს. ბევრს მის მიერ შესრულებული ჰეთრიკი "მალიორკასთან" შეხვედრაში შეიძლება მის საუკეთესო თამაშად მოეჩვენოს, მაგრამ თავად ფეხბურთელი ამბობს, რომ : "ჩემთვის ეს არაა საუკეთესო თამაში. მე ბევრი შესანიშნავი თამაში ჩავატარე და მათ შორის საუკეთესოს გამორჩევა ძალიან ძნელია. განა მარტო სამი გოლის გატანაა საკმარისი კარგად თამაშისთვის?! შეიძლება გოლი საერთოდ არ გაიტანო და ის თამაში შენთვის მართლაც საუკეთესო იყოს."

"მოგება ძალიან მნიშვნელოვანია, მაგრამ თუ მას სანახაობრივ ფეხბურთსაც დავუმატებთ უფრო უკეთესი იქნება. მე წელს კარგ სეზონს ვატარებ, მაგრამ ეს ჩემი თანაგუნდელების დახარების გარეშე წარმოუდგენელი იქნებოდა. გუნდის გარეშე ფეხბურთში არაფერი პერსონალური არ არსებობს. იგებ და მარცხდები გუნდთან ერთად და არა მარტო პერსონალურად შენ. ეხლა მთავარია ასე გავაგრძელოთ და ვირწმუნოთ ჩვენი შესაძლებლობები."

წყარო: Realmadrid.com