სერხიო რეგილონი, რომელიც 2 წლიანი იჯარის წესით „სევილიას“ ღირსებას იცავს, ყოველდღიურად ამტკიცებს, რომ ძალიან დიდი მომავალი აქვს.

ესპანელ ფეხბურთელს ეროვნული ნაკრების უცვლელ წევრადაც ასახელებენ, სწორედ მან უნდა ჩაიბაროს „ფურია როხას“ მარცხენა ფლანგი.

უკვე 8 თვეა სერხიო ანდალუსიური „სევილიას“ ღირსებას იცავს. ხელშეკრულების მიხედვით, ის ლოპეტეგის კლუბში კიდევ წელიწადი და 4 თვე უნდა დარჩეს, მაგრამ აღსანიშნავია, რომ მომდევნო ზაფხულს „ბლანკოსს“ მისი დაბრუნების უფლება აქვს.

ვრცელდება ინფორმაცია, რომლის მიხედვითაც, „მერენგები“ რეგილონს იმ შემთხვევაში დაიბრუნებენ, თუ კოლექტივს მარსელო დატოვებს. თუ ბრაზილიელი კიდევ 1 წლით დარჩება, ზიზუ რეგილონს კვლავ ანდალუსიაში დატოვებს.