„რეალის“ ფეხბურთელებმა პრიმერა დივიზიონის 28-ე ტურის მატჩამდე მეორე ვარჯიში ჩაატარეს.

აღსანიშნავია, რომ დღევანდელ სესიაზე, მთავარ ჯგუფთან ერთად სრული დატვირთვით იმუშავა ისკომ, რომელსაც წელზე ჰქონდა გარკვეული ტკივილები, ხოლო რაც შეეხება ტრავმირებულ ფეხბურთელებს (ასენსიო, მარსელო, კურტუა და აზარი), ისინი სარეაბილიტაციო კურსს აგრძელებენ.

განვლილი ვარჯიში გახურებით დაიწყო, შემდეგ მოთამაშეებმა ბურთის ფლობისა და პრესინგის გარკვეული სავარჯიშოები შეასრულეს, ბოლოს კი, რამდენიმე მატჩი გამართეს მცირე მოედანზე.

შეგახსენებთ, რომ „რეალისა“ და „ეიბარის“ შეხვედრა სტარტს აიღებს პარასკევს, 23 საათსა და 55 წუთზე (თბ. დროით).

RealMadrid.Com