ბრაზილიელი ფეხბურთელის თავის გამოჩენის საშუალება მიეცა „რეალ ბეტისის“ წინააღმდეგ.

გამომდინარე იქედან, რომ დანიელ კარვახალი და ნაჩო ფერნანდესი გრიპის გამო კოლექტივს ვერ გაჰყვნენ სევილიაში, ზიდანს მარჯვენა ფრთაზე მილიტაოს გამწესება მოუწია.ეს უკანასკნელი ამპლუით ცენტრალური მცველია, თუმცა არაერთხელ უასპარეზია ფლნაგზეც და შესაბამისად, მწვრთნელმაც ნდობა გამოუცხადა.

ესპანური მედიისა და გულშემატკივრების დიდი ნაწილის აზრით, სახმრეთ ამერიკელმა მოთამაშემ ჯეროვნად ვერ გაართვა თავი დაკისრებულ მოვალეობას, რის გამოც, „ბეტისის“ ფეხბურთელები სწორედ მისი სამოქმედო არეალიდან ცდილობდნენ მეტწილად შეტევების წარმოებას.

ამასთანავე საგულისხმოა, რომ „რეალმა“ მიმდინარე სეზონში 6 ჯერ განიცადა მარცხი და აქედან 4 შემთხვევაში, სასტარტო შემადგენლობაში ედერი ირჯებოდა.შეიძლება ეს მხოლოდ დამთხვევა არის, თუმცა ნამდვილად არასასიამოვნო.

ცნობისათვის, ზიდანს მილიტაოზე მოუწევს აქცენტის გაკეთება „მანჩესტერ სიტისთან“ განმეორებით დაპირისპირებაშიც, ვინაიდან, როგორც იცით, სერხიო რამოსი დისკვალიფიცირებულია.

MARCA