პრიმერა დივზიონის 27-ე ტურში, მადრიდის „რეალმა“ სატურნირო ცხრილის პირველი პოზიცია დათმო.

„რეალ ბეტისთან“ განცდილი მარცხის შედეგად, ზიდანის შეგირდებს კვლავ 56 ქულა აქვთ და ახლა უკვე 2 ქულით ჩამორჩებიან „ბარსელონას,“ რომელმაც საშინაო არენაზე მინიმალური ანგარიშით (1-0) სძლია „რეალ სოსიედადს.“

აღსანიშნავია, რომ ჩემპიონატის დასრულებამდე 11 ტურით ადრე, „თეთრებს“ 6 შემთხვევაში მოუწევთ მასპინძლობა, ხოლო 5-ჯერ სტუმრად ასპარეზობა, „ბარსელონას“ კი პირიქით.

დარჩენილი მატჩებიდან შეიძლება გამოვყოთ გასვლითი მატჩები „ატლეტიკთან“ და „რეალ სოსიედადთან“ და ამასთანავე, „სანტიაგო ბერნაბეუზე“ შერკინება „ვალენსიასთან.“. რაც შეეხება „ბალუგრანას,“ მათ კალენდარში წითლად არის აღნიშნული პაექრობები „სევილიასთან“ და „ვილიარეალთან,“ ხოლო „ნოუ კამპზე“ „ატლეტიკოსთან.“