ბრაზილიელი კაზემირო მიმდინარე სეზონში ზინედინ ზიდანის მხრიდან ყველაზე დიდი ნდობით აღჭურვილი პირია...

ნახევარმცველი უკვე 3 000-იანებში გადავიდა. კაზემიროს ანგარისზე 34 მატჩი და 3030 წუთია, ამ მაჩვენებლით ბრაზილიელი „რეალის“ ყველა ფეხბურთელს აღემატება.

კაზემიროს შემდეგ ყველაზე ხშირად მოედანზე რამოსი, კარვახალი, კურტუა, კროოსი და ბენზემამ ჩანან, თუმცა 3 000-იან ნიშნულამდე ჯერ-ჯერობით არცერთი მოთამაშე არ მისულა.

ფაქტია, რომ ზიდანის გუნდისთვის კაზემირო შეუცვლელი ფიგურაა და ბრაზილიელის ფიზიკური კონდიციებიც იძლევა იმის საშუალებას, რომ ამხელა დატვირთვას გაუძლოს.

შეგახსენებთ, ნახევარმცველის ანგარიშზე მიმდინარე სეზონში 4 გოლი და 2 საგოლე გადაცემაა.