კაიო ჟორჟე - ფეხბურთელი, რომელმაც უკვე მიიპყრო მსოფლიო გრანდების ყურადღება. მადრიდის „რეალი“ და „იუვენტუსი“ კი ერთმანეთს ასწრებენ, რომ წინახაზელის დამატება მოახერხონ.

ჟორჟეს ფასი დაახლოებით 50 მილიონი ევროა, ის სამხრეთ-ამერიკელთა ერთ-ერთ ამომავალ ვარსკვლავად ითვლება და ეჭვი არავის ეპარება, რომ ძალიან მალე აიღებს გეზს ევროპისკენ.

ჟორჟე „სანტოსს“ ეკუთვნის და საკმაოდ ეფექტურადაც გამოდის. ახალგაზრდა მოთამაშეს 18 წელი მიმდინარე წლის 24 იანვარს შეუსრულდა. ის საკმაოდ მოძრავი და ტექნიკური თავდამსხმელი გახლავთ. ამასთანავე უნდა აღინიშნოს, რომ ის ბრწყინვალედ ასრულებს საჯარიმო დარტყმებს.

ჯერ-ჯერობით უცნობია, რა ეტაპზეა მოლაპარაკებები, რომელიც სამეფო კლუბმა ბრაზილიურ მხარესთან წამოიწყო.

ამ ეტაპზე კაიოს სიმაღლე 176 სანტიმეტრია და 64 კილოგრამს იწონის.