ესპანური გამოცემების ინფორმაციით, მადრიდის „რეალი“ ზინედინ ზიდანის შემცვლელის ერთ-ერთ კანდიდატად ახალგაზრდა სპეციალისტს, ჟულიან ნაგელსმანს განიხილავს.

მადრიდში ნაგელსმანს ძალიან ბევრი მხარდამჭერი ჰყავს და მის კანდიდატურას კლუბის მენეჯმენტშიც უჭერენ მხარს.

ნაგელსმანი არის ერთ-ერთი იმ მწვრთნელთაგან, რომელსაც ძალიან უყვარს შემტევი და სანახაობრივი ფეხბურთის ჩვენება, რაც ერთ-ერთი განმაპირობებელი ფაქტორია იმისა, რომ „ბლანკოსი“ მას მიიწვევს.

ამასთანავე, არ უნდა დავივიწყოთ რაულ გონსალესი, რომელიც „კასტილიას“ უდგას სათავეში და ზიზუს წასვლის შემდეგ მთავარი გუნდის მწვრთნელობას უმიზნებს.

დიდი ალბათობით, ფლორენტინო არჩევანს სწორედ ჟულიანსა და ელ კაპიტანოს შორის გააკეთებს.