მადრიდის „რეალი“ ესპანელი ნახევარმცველის შესაძლებლობებით არის დაინტერესებული.

ფაბაინ რუისს 2023 წლის ზაფხულამდე აქვს დაკავშირებული მომავალი „ნაპოლისთან.“ ამჟამად, მისი სატრანსფერო ღირებულება 70-დან 80 მილიონ ევრომდე მერყეობს.გამომდინარე იქედან, რომ ფეხბურთელი 23 წლის არის და მის შესახებ უკვე არაერთი გრანდი საუბრობს, იტალიური კლუბის ბოსები განახლებულ ხელშეკრულებას სთავაზობენ, თუმცა ფეხბურთელი უარზეა.

Corriere dello Sport-ის ინფორმაციით, მადრიდელთა მიზანია, რომ რუისი ევროპის ჩემპიონატამდე გაიფორმონ. „თეთრები“ მას გრძელვადიანი პროექტის ნაწილად მოიაზრებენ.