ლუკა მოდრიჩი და ტონი კროოსი წლების მანძილზე საოცარ დუეტს ქმნიდნენ, მაგრამ ახლა ვითარება შეცვლილია და ზინედინ ზიდანი გუნდს ამ დუეტის გარეშე თამაშს ასწავლის.

ბოლო მატჩებში აშკარად გამოჩნდა, რომ ხორვატიულ-გერმანული დუეტი სასტარტო შემადგენლობაში ერთად ვერ ხვდება. ხან ლუკიტა გვყავს სასტარტოში, ხანაც ტონი.

ამ შემთხვევაში ვალვერდეს ფაქტორი ბევრი რამის განმსაზღვრელი ხდება, რომელიც კაზემიროსთან ერთად მართლაც საოცარ ცენტრს ქმნის.

„მარკა“ მიუთითებს, რომ ზიზუ გუნდს ლეგენდარული დუეტის გარეშე თამაშს ეტაპობრივად აჩვევს, ვინაიდან დიდია ალბათობა იმისა, რომ ოქროს ბურთის მფლობელმა ნახევარმცველმა მადრიდი სეზონის ბოლოს დატოვოს.