ზიდანის სასახელოდ უნდა ითქვას, რომ მიმდინარე სეზონში (ლა ლიგის მასშტაბით) სამეფო კლუბი საკმაოდ ნაყოფიერად ასპარეზობს მნიშვნელოვან მატჩებში.

კერძოდ, პრიმერა დივიზიონის სატურნირო ცხრილის პირველი ხუთეულის გუნდებთან, მადრიდელებმა 21 შესაძლებელიდან, 17 ქულა დაიბევეს, რაც შესანიშნავი მაჩვენებელია. ისიც უნდა აღინიშნოს, რომ ჩემპიონატის დასრულებამდე 12 ტურით ადრე, დედაქალაქელებს ტოპ 5-ის მხოლოდ ერთ კლუბთან მოუწევთ დაპირისპირება - 26 აპრილს „ხეტაფესთან.“

რაც შეეხება განვლილ მატჩებს, „რეალმა“ გასვლითი თამაშები ყაიმით დაასრულა „ატლეტიკოსა“ და „ბარსელონას“ წინააღმდეგ, „სანტიაგო ბერნაბეუზე“ კი ორივეს დამარცხება მოახერხა და „სევილიას“ ორივე შემთხვევაში შასი არ დაუტოვა.ისინი წარმატებით გაისარჯნენ „ხეტაფესთან“ პირველ შეხვედრაშიც.

„თეთრების“ მდევარმა „ბარსელონამ,“ ამ ეტაპისათვის, ჩემპიონატის ლიდერებთან პაექრობებისას 13 ქულას მოუყარა თავი.მათ წინ კიდევ ელოდებათ 2 საკმაოდ რთული ჯახი - „ატლეტიკოსთან“ საშინაო არენაზე და „სევილიასთან“ სტუმრად.

საინტერესოა, რომ წინა სეზონში, კატალონიელებმა ცხრილის ხუთეულთან დაგროვებული 20 ქულით მოახერხეს ტიტულის დაბევება, ხოლო „რეალის“ შარშანდელმა მონაგარმა მხოლოდ 11 ქულა შეადგინა.

MARCA