ლუკას ვასკესისთვის და ისკოსთვის „ელ კლასიკო“ საიუბილეო აღმოჩნდა...

ესპანელმა ფეხბურთელმა „ბლანკოსის“ მაისურით მე-200 დაპირისპირება გამართა, საიდანაც 135 ლა ლიგაზე მოდის, 36 ჩემპიონთა ლიგაზე, 15 „ლა კოპაზე“ და დანარჩენი სხვა ტურნირებზე. ლუკასი 200-იდან 137 შემთხვევაში გამარჯვებული გამოდგა, მის ანგარიშზე ყველა ტურნირზე 24 გოლია.

რაც შეეხება ისკო ალარკონს, ესპანელმა ნახევარმცველმა „ბლანკოსის“ ღირსება უკვე მე-300-ედ დაიცვა. ისკოს ანგარიშზე 211 გამარჯვება და 51 გოლი ფიქსირდება.

ფრანცისკოს ანგარიშზე ლა ლიგაში 200 დაპირისპირება ფიქსირდება, ჩემპიონთა ლიგაზე 56, სამეფო თასზე 27, მსოფლიო საკლუბო ჩემპიონატზე 6, ხოლო ევროპისა და ესპანეთის სუპერთასებზე 4-4.

ჩატარებული თამაშების მიხედვით ისკომ საუკეთესო სეზონი 2014/15 წლებში დააფიქსირა, როდესაც 53-ჯერ გამოჩნდა მოედანზე.