ესპანური გამოცემების ინფორმაციით, მადრიდის „რეალი“ 2 ტოპ კლასის შემტევში 210 მილიონ ევროს გადაიხდის...

საქმე ეხება მუჰამედ სალაჰს და ერლინგ ჰოლანდს. ეს უკანასკნელი „ბორუსიას“ ღირსებას იცავს, მაგრამ ეჭვი არავის ეპარება, რომ ზაფხულში რომელიმე ტოპ კლუბი მის 75 მილიონიან კონტრაქტს გამოისყიდის.

ფლორენტინო პერესმა მოქმედებები უკვე დაიწყო და გერმანულ მხარესთან შეთანხმებაზე ისაუბრა. პრეზიდენტი ასევე „ლივერპულთანაც“ აწარმოებს მოლაპარაკებებს.

დეტალების მიხედვით, „რეალი“ 75 მილიონს ჰოლანდის სანაცვლოდ გადაიხდის და მის კონტრაქტს გამოისყიდის, სალაჰისთვის კი 145 მილიონ ევროს გამოყოფს და ამას დაემატება ბონუსებიც, რომელიც ფეხბურთელის წარმატებასა და გოლების რაოდენობაზე იქნება დამოკიდებული.

„სიტისთან“ ნაჩვენებმა ძალიან ცუდმა ფეხბურთმა გუნდის ხელმძღვანელობა საგონებელში ჩააგდო.