მადრიდის „რეალის“ კაპიტანმა, სერხიო რამოსმა მოახლოვებულ „ელ კლასიკოზე“ ისაუბრა.

„„რეალისა“ და „ბარსელონას“ დაპირისპირება რიგითი თამაშების ნუსხას არ განეკუთვნება.ეს არ არის ბრძოლა მხოლოდ 3 ქულისათვის.კატალონიელების დამარცხებას დიდი სიამოვნების მოტანა შეუძლია.“

„ორივე გუნდს კარგად მოგვეხსენება, რომ მოგებისთვის დიდი ძალისხმევაის გაღებაა საჭირო.აღნიშნული ღონისძიების გამართვამდე რამდენიმე დღით ადრე, უკვე იგრძნობა, რომ განსხვავებულ მოვლენასთან გვაქვს საქმე.ამავდროულად, ზღვა ინტერესი მოდის მედიასაშუალებების მხრიდან.რა თქმა უნდა, „ელ კლასიკოს“ განსაკუთრებულ ელფერს სძენს მოთამაშეები და თვითონ ლა ლიგა.უბრალოდ ძალიან რთულია იმ ემოციის აღწერა, რაც თან ახლავს ჩვენ ჯახს.“

„იყო ფეხბურთელი, რომელსაც ყველაზე მეტ „ელ კლასიკოში“ აქვს მონაწილეობა მიღებული, ერთგვარი წყაროა სიხარულისა.ვიმედოვნებ, მიღწეულზე არ გავჩერდები და კიდევ მრავალ მატჩში მივიღებ მონაწილეობას, რაც პარალელურად იმას ნიშნავს, რომ აქ დიდი ხნის განმავლობაში ვასპარეზობდი.ცხადია, უკეთესი იქნება თუ გამარჯვებულ მხარეს აღმოვჩნდები.ეს ასევე გარკვეული ჯილდოა ამდენი წლის შრომისა და თავგანწირვისთვის.ფეხბურთს ინდივიდუალური მიღწევებისთვის არ თამაშობენ, თუმცა ყოველთვის მეტად სასიამოვნოა პრიზები და რეკორდები.ამაზე დიდი მოტივატორი არ არსებობს.“

„გამომდინარე იქედან, თუ სეზონის რა ეტაპზე ვიმყოფებით და ამასთანავე თუ რამდენია სხვაობა სატურნირო ცხრილში, ვფიქრობ, თანაბარი ორთაბრძოლა იქნება.მატჩის შედეგზე ბევრია დამოკიდებული, მაგრამ ჩემი აზრით, ლა ლიგა საკმაოდ გრძელვადიანი გათამაშებაა.წინ კიდევ არაერთი შეხვედრა გველოდება და შეიძლება ყველაფერი მოხდეს.რა თქმა უნდა, ნიშანდობლივი იქნება საშინაო არენაზე გამარჯვების მოპოვება და გულშემატკივრების გულების გახარება.ადგილობრივი ქომაგების წინაშე ბურთაობა დამატებითი მოტივაციაა გუნდისთვის.ჩვენ გაცილებით ძლიერები ვართ, როდესაც ზურგს „სანტიაგო ბერნაბეუ“ გვიმაგრებს.მოდით ვიმედოვნოთ, რომ სერიოზულ განაცხადს გავაკეთებთ მოგებაზე.“

„სწორედ ისეთი განწყობა მაქვს, როგორც სადებიუტო „კლასიკოს“ წინ.მე საფეხბურთო მატჩს ყოველთვის ვუდგები ისე, თითქოს ეს ჩემი პირველი გამოცდილებაა და არა უკანასკნელი, შესაბამისი ამბიციითა და მიზანდასახულობით.წარმატების გასაღები კი მდებარეობს თავდაუზოაგავ შრომასა და თავგანწირვაში.ცხადია, რთულია ყოველთვის უმაღლეს საფეხურზე ყოფნა, მაგრამ მაქსიმაურად ვეცდები, რომ ბოლომდე დავიხარჯო და შევინარჩუნო ძლიერი მხარე, რაც ახალი მწვერვალების დაპყრობის საშუალებას მომცემს.“

„იყო ამ გუნდის კაპიტანი, არის სიამაყის საფუძველი.ამდენი წლის შემდეგ, ჩვენს მხრებზე ბევრი სეზონია, უამრავი თამაში, კარგი და ცუდი გამოცდილებები.ძალიან დიდი პატივი და პრივილეგიაა სამეფო კლუბის კაპიტნის სამკლავურის ტარება.იყო მაგალითი ათასობით ბავშვისა და თანაგუნდელებისა, ნამდვილად უსაზღვრო პასუხისმგებლობასთანაა დაკავშირებული.ვცდილობ, ყოველთვის საუკეთესოდ წარმოვაჩინო თავი და ამიტომაც, „რეალი“ და მასთან დაკავშირებული ადამიანები ამაყობენ თავიანთი კაპიტნით.“

„მართალია, რომ პრიმერა დივიზიონი საკმაოდ კონკურენტუნარიანი ტურნირია, მაგრამ ტიტულისთვის ბოლომდე ვიბრძოლებთ.ჩვენი სურვილია თასის აღმართვა და შესაბამისად, მაქსიმალურად ვეცდებით საუკეთესოდ ვითამაშოდ.ვფიქრობ, ყოველწლიურად უფრო რთულდება ლა ლიგის მოგება.წინასწარ ვერავინ იტყვის, რომ ამა თუ იმ სტადიონზე დაგეგმილ 3 ქულას აიღებს, ვინაიდან ნებისმიერ გუნდს შეუძლია წინააღმდეგობის გაწევა და პრობლემების შექმნა.ეს ყოველივე განსაკუთრებულს ხდის ესპანეთის პირველობას.“

„ზიდანი დიდებული მწვრთნელია, მაგრამ არა მხოლოდ იმ მიღწევებისა და რეკორდებისთვის, რაც ბოლო წლებში დაიბევა.მან არა ერთი წელი გაატარა აქ ფეხბურთელის რანგში და დიდებული ხელმძღვანელია გასახდელში.ყველას როდი შეუძლია მსგავსი მეთოდებით, სრულიად ბუნებრივად მართოს გუნდი.მიუხედავად სათამაშო წუთების რაოდენობისა, ის ყველა ფეხბურთელს დიდ მოტივაციას აძლევს, რაც მისი ერთ-ერთი ძლიერი მხარეა.მან ჩინებულად იცის, თუ შეიძლება გამოადნოს თითოეული ჩვენგანისგან.ზიზუ უპირობოთ იდეალური დამრიგებელია სამეფო კლუბისთვის.ყველას დიდი იმედი გვაქვს, რომ მასთან ერთად კიდევ ერთ საოცარ ერას ჩავუყრით საფუძველს.“

„ყველაზე განსაკუთრებულად მახსენდება, როდესაც 1-0 ვაგებდით „ნოუ კამპზე“ და მოდრიჩის ჩაწოდების შემდეგ მოვახერხე ანგარიშის გათანაბრება.მაშინ, ის ქულა გადამწყვეტი გამოდგა ტიტულისათვის ბრძოლაში.რამდენიმე დღის შემდეგ უკვე მალაგაში გავიფორმეთ ჩემპიონობა.ეს ყოველთვის სასიამოვნო გასახსენებლია.“

RealMadrid.Com