სამეფო კლუბისა და „ქალაქელების“ ჯახი დიდ ინტერესს იწვევს საფეხბურთო საზოგადოებაში.

მიმდინარე სეზონში გვარდიოლას შეგირდები არასტაბილურად ასპარეზობენ პრემიერ ლიგაში.ისნი სატურნირო ცხრილის მეორე საფეხურზე იმყოფებიან და პრაქტიკულად დაკარგული აქვთ ჩემპიონობის შანსი, თუმცა ეს არანაირად აკნინებს მატ შეტევით პოტენციალს.ევროპის ტოპ 5 ჩემპიონათის მასშტაბით, „სიტი“ მეორეზეა და „პსჟ“-ს ჩამორჩება შიდა პირველობაზე გატანილი გოლების რაოდენობით.ინგლისელების მაჩვენებელი 68-ს შეადგენს, რაც სამით ნაკლებია ფრანგების მონაგარზე.

რაც შეეხებათ მადრიდელებს, მათ აქტივში 49 შედეგიანი დარტყმა ირიცხება, რაც მე-15 საუკეთესო შედეგია ზ/ხსენებულ რეიტინგში, თუმცა ზიდანის დარიგებულები საიმედო დაცვით იწონებენ თავს.კერძოდ, ამ სეზონში, „რეალის“ კარის ბადე მხოლოდდამხოლოდ 17-ჯერ შეარხიეს მეტოქეებმა, ხოლო „მანჩესტერმა“ კი უკვე 29 გოლის გაშვება მოასწრო.

ერთი სიტყვით, დღეს, გულშემატკივრები საუკეთესო დაცვისა და საუკეთესო შეტევის მქონე გუნდების დაპირისპირების მომსწრენი გახდებიან.

MARCA