მადრიდის „რეალში დარწმუნებულნი არიან, რომ ადგილობრივი გულშემატკივრები გადამწყვეტ როლს ითამაშებენ „მანჩესტერ სიტისთან“ ესოდენ მნიშვნელოვან დაპირისპირებაში.

მიუხედავად იმისა, რომ გუნდის ბოლოდროინდელი შედეგები (ლა ლიგის მასშტაბით) არცთუ ისე შთამბეჭდავია, ქომაგებში დიდი ენთუზიაზმი სუფევს, ვინაიდან „სანტიაგო ბერნაბეუზე“ ხომ ჩემპიონთა ლიგა ბრუნდება.

მადრიდისტები დიდებულ ატმოსფეროს პირდებიან საყვარელ ფეხბურთელებს.ისინი ჯერ საშინაო არენის მისადგომებთან დახვდებიან კლუბის ავტობუსს და გარკეული წარმოდგენით გაამხნევებენ მოთამაშეებს, ხოლო შემდეგ უკვე ტრიბუნიდან 90 წუთის განმავლობაში ძალისხმევას არ დაიშურებენ.

არანაკლები სურათი იქნება კვირასაც, როდესაც „რეალი“ „ბარსელონას“ უმასპინძლებს.„ბერნაბეუ“ სრულიად აანალიზებს შექმნილ სიტუაციას და მზად არის შემადგენლობის მე-12 წევრის ამპლუა ღირსეულად მოირგოს.

რა თქმა უნდა, ზ/ხსენებული მატჩების ყველა ბილეთი უკვე გაყიდულია. ჩვენ კი ისღა დაგვრჩენია, რომ დღეს, თბილისის დროით 00:00 საათზე, ვულკანის ამოფრქვევას დაველოდოთ ესპანეთის დედაქალაქში.

Ya nada mas, Hala Madrid !!!