„Who needs Ronaldo?“ - ალბათ, ყველას გახსოვთ ასეთი ბანერი ამერიკაში, სადაც სამეფო კლუბი წინასასეზონო ტურნეს ატარებდა.

დიდი ალბათობით, სამეფო კლუბის ქომაგების 1 პროცენტით არ იზიარებს აღნიშნულ მოსაზრებას, მაგრამ თუ ვინმე ფიქრობს მსგავსად, ეს უბრალოდ მისი პრობლემაა.

პორტუგალიელი ფეხბურთელის ტურინში გადაბარგების შემდეგ, „რეალმა“ 93 მატჩი ჩაატარა, საიდანაც 21 შემთხვევაში მეტოქის კარის აღება ვერ მოახერხა.უფრო დეტალურად, მადრიდელებმა მატჩების 23 პროცენტში უგოლოთ დატოვეს მოედანი, ხოლო როდესაც დიდებული კრიშტიანუ ესპანური გრანდის ღირსებას იცავდა, მოცემული მაჩვენებლის პროცენტულობა 8-ს შეადგენდა.მისი მონაწილეობით, „ბლანკოსმა“ 438 პაექრობიდან, მხოლოდ 36-ჯერ დატოვა მოწინააღმდეგე მშრალად.

კიდევ ერთი საინტერესო დეტალი, განვლილ უქმეებზე, პრიმერა დივიზიონში გატანილი გოლების კომპონენტში, „ბარსელონამ“ პირველად გადაუსწრო „რეალს.“ მათი მონაგარი უკვე 6151 ბურთს შეადგენს, რაც ერთით მეტია დედაქალაქელების შედეგიანობაზე.საინტერესოა, რომ როდესაც რონალდუმ მადრიდის დატოვა, მაშინ, „თეთრები“ 42 ბურთიანი ჰანდიკაპით უსწრდებნენ „კულეებს,“ თუმცა მისი წასვლის შემდეგ, ყველაფერი თავდაყირა დადგა და ალბათ, ბედის ირონიაა, რომ ამ ეტაპისათვიის, „შვიდიანის“ აქტივში სერია ა-ს მასშტაბით, სწორედ 42 შედეგიანი დარტყმა ირიცხება.

ცნობისათვის, როდესაც „რეალმა“ 2016/2017 წლების სეზონში ჩემპიონთა ლიგისა და ლა ლგიის ტიტულების დაბევება მოახერხა, გუნდს საშუალოდ 2.8 გოლი გაჰქონდა თითოეულ შეხვედრაში, ხოლო მიმდინარე სეზონში, მოცემული მაჩვენებელი 1.75-ს შეადგენს.

და მაინც, „Who needs Ronaldo?“

AS