როგორც იცით, მომდევნო 2 კვირა მეტად მნიშვნელოვანი იქნება სამეფო კლუბისათვის.

ზიდანის შეგირდები 5 დღეში მერვედფინალურ დაპირისპირებას გამართავენ „მანჩესტერ სიტისთან“ საშინაო არენაზე, ხოლო 9 დღეში „ბარსელონას“ უმასპინძლებენ.იმისათვის, რომ „რეალმა“ ეფექტურად იასპარეზოს და შედეგი აჩვენეს, პირველ რიგში, ყველაზე ნიშანდობლივია ოპტიმალური შემადგენლობა.

სასიხარულოა, რომ თუ რამე გაუთვალისწინებელი არ მოხდა, ფრანგი სპეციალისტის განაკრგულებაში ძირითადი შემადგენლობის 25 წევრიდან, 24 სრულ განკარგულებაში იქნება.გამონაკლისს მხოლოდ მარკო ასენსიო წარმოადგენს, რომლისთვისაც მიმდინარე სეზონი ტრავმიდან გამომდინარე კოშმარული გამოდგა.დანარჩენი მოთამაშეები 100 პროცენტით მზად არიან და შანსის მიღების შემთხვევაში, შესაძლებლობებს არ დაზოგავენ.

ცნობისათვის, წლეულს, არეოლა, მილიტაო, ვარანი, კაზემირო და ვინისიუსი არიან ის ფეხბურთელები, რომლებიც ლაზარეთში არ მოხვედრილან.

MARCA