„ოსასუნასა“ და „რეალს“ შორის 1-4 დაფიქსირდა, მაგრამ საკმაოდ მძიმე ბრძოლა შედგა, რასაც სტატისტიკაც ასახავს...

ბურთის ფლობის მხრივ, ზინედინ ზიდანის გუნდს მცირე უპირატესობა ჰქონდა. საერთო ჯამში „რეალმა“ 54%-იანი ფლობა აჩვენა.

რაც შეეხება გადაცემებს. „რეალმა“ 508 პასი გააკეთა, „ოსასუნამ“ კი 421.

თვალსაჩინო მაჩვენებელია „ჩაჭრების“ კომპონენტში. ორივე გუნდის ფეხბურთელებმა შეტევა 40-ჯერ ჩაშალეს, აქედან 22-ჯერ მასპინძლებმა, 18-ჯერ კი მადრიდელებმა.

გოლის გატანის მცდელობა „ბლანკოსს“ 17-ჯერ ჰქონდა, „ოსასუნას“ კი 14-ჯერ.

90 წუთის მანძილზე „მერენგები“ შეტევაში 120-ჯერ გადავიდნენ, საიდანაც 42-ჯერ იერიშმა მწვავე ხასიათი მიიღო.