ლუკას ვასკესმა „ოსასუნას“ დამარცხების შემდეგ ჟურნალისტებთან ისაუბრა...

„სირთულეებით სავსე მატჩი იყო, მაგრამ „რეალმა“ სოლიდურად ითამაშა და დამსახურებულად ჩაიწერა აქტივში 3 ქულა. სამეფო თასიდან გამოვარდნის შემდეგ ჩვენზე ბევრი საუბარი მიდიოდა, მაგრამ ვფიქრობ, ყველა გავაჩერეთ. ეს არის გზა, რომელიც ჩემპიონობამდე მიგვიყვანს, ძალიან გვსურს ოქროს მედლები.“

„აუცილებლად ვუყურებ „ბეტისისა“ და „ბარსელონას“ დაპირისპირებას. კარგი იქნება თუ ჩვენს შორის სხვაობა 6 ქულამდე გაიზრდება, მაგრამ ჩვენი ამოცანა მაინც არ შეიცვლება. ჩვენ ყველაფერს გავაკეთებთ ყველა მატჩის მოსაგებად. ახლა მხოლოდ საკუთარ თავზე ვართ დამოკიდებულნი.“

„როტაცია? მისტერმა იცის, ვინ სჭირდება გუნდს კონკრეტულ მომენტში. შანსი ყველას ეძლევა.“

„„სიტიზე“ ფიქრს მერეც მოვასწრებთ. ახლა ჩემპიონთა ლიგის მატჩებზე ფიქრის დრო ნამდვილად არ არის, ვინაიდან ლა ლიგაში უმნიშვნელოვანესი პაექრობების ჩატარება გველის.“

„ბედნიერი ვარ ყველა წუთით, რომელსაც სამეფო კლუბში ვატარებ.“