მადრიდის „რეალმა“ ვინიციუს ჟუნიორი ნეიმარის დაბადების დღისადმი დაგეგმილ ღონისძიებაზე არ გაუშვა.

„პსჟ“-ს ლიდერს იუბილე დღეს აქვს, თუმცა ღონისძიება რამდენიმე დღით ადრე გაიმართა, სადაც პარიზული კლუბის ფეხბურთელები, ბრაზილიელი ლეგენდები და სხვა ცნობილი სახეები იყვნენ დაპატიჟებულნი. სტუმართა სიაში ვინიციუს ჟუნიორიც გახლდათ, მაგრამ „რეალმა“ ის პარიზში არ გაუშვა და მომდევნო მატჩისთვის ინტენსიური მზადებისკენ მოუწოდა.