მიუხედავად იმისა, რომ ჯერ სეზონის დასრულდებამდე საკმაოდ ადრეა, „მანჩესტერ სიტიმ,“ ფაქტობრივად, ჩემპიონობის ყველანაირი შანსი დაკარგა პრემიერ ლიგაში.

„ქალაქელებისთვის“ ინგლისის მასშტაბით ტიტულების მოპოვება უცხო არ არის, თუმცა მათთვის დღემდე მიუღწეველად რჩება ჩემპიონთა ლიგის მოგება.შეიძლება ითქვას, გვარდიოლას, როგორც მწვრთნელის, გამოწვევაც ანალოგიურია, ვინაიდან „ბარსელონადან“ წასვლის შემდეგ, პეპი ვერადავერ ახერხებს ბებერი კონტინენტის ყველაზე პრესტიჟული საკლუბო ტურნირის ტრიუმფით დასრულებას.

მიმდინარე სეზონში, მათი ევროპული ოცნების განხორციელება მას შემდეგ დადგა სერიოზული საფრთხის ქვეშ, რაც კენჭყისყრამ „რეალი“ არგუნათ.ცხადია, ესპანელი თავკაცი იმ დამრიგებლების რიგებს არ მიეკუთვნება, რომლებსაც გრანდების ეშინიათ.მეტიც, გვარდიოლას საკმაოდ პოზიტიური სტატისტიკა აქვს, როდესაც საქმე სამეფო გუნდთან თამაშს ეხება და თანაც „სანტიაგო ბერნაბეუზე,“ თუმცა ეს უფრო მისი „ოქროს წლების“ გადმონაშთია.

უფრო კონკრეტულად, „ბლაუგრანას“ დამრიგებლის რანგში, გვარდიოლას 7 შეხვედრა აქვს ჩატარებული „რეალის“ საშინაო არენაზე, საიდანაც 5 გამარჯვებით დაასრულა და 2 ყაიმით, ხოლო კატალონიიდან გადაბარგების შემდეგ, ის მხოლოდ ერთხელ ესტუმრა მადრიდს და ამჯერად „ბაიერნის“ მესაჭის რანგში.მაშინ, ადგილობრივებმა მინიმალური ანგარიშით (1-0) დაამარცხეს მეტოქე (სტუმრად კი 0-4 გაანადგურეს).

MARCA