ლეგენდარულმა ბულგარელმა ფეხბურთელმა, დიმიტარ ბერბატოვმა სამეფო კლუბსა და ზინედინ ზიდანზე ისაუბრა ჟურნალისტებთან

„სეზონის დასაწყისში, როდესაც „რეალი“ უღიმღამოდ თამაშობდა, გულშემატკივართა გარკვეული კატეგორია ზიდანის ნაადრევ დათხოვნას წინასწარმეტყველებდა.ისინი ფრანგ სპეციალისტს მადრიდში დაბრუნებისთვის აკრიტიკებდნენ.ახლა კი, ვფიქრობ, რომ „ბლანკოსის“ ბოლოდროინდელი შედეგების შემხედვარე, ზიდანი იხსენებს ამ ხმებს და მათ ავტორებს დასცინის.“

„ინტერნეტში უკვე გავრცელდა ფოტოები აზარის ვარჯიშთან დაკავშირებით.ვიმედოვნებ, ბელგიელი მალე დაბრუნდება საქმეში.ის დიდი შენაძენია და ამავდროულად, არნახული ზეწოლაც ხორციელდება მასზე.“

„ჩემი აზრით, კურტუას მეტი მუშაობა მართებს, რათა ფეხით თამაში გააუმჯობესოს.თავიდან მას მძიმე პერიოდი ჰქონდა ესპანეთის დედაქალაქში, მაგრამ ყველაფერი დალაგდა.“

MARCA