სიმეონე:„შეცდომა არ უნდა დავუშვათ, „რეალის“ დამარცხება შესაძლებელია“
დიეგო სიმეონე მადრიდის „რეალთან“ დაპირისპირების წინ ჟურნალისტებს შეხვდა.
„მე ვფიქრობ, რომ ურთულესი მატჩი გველის და წარმატების გასაღები მხოლოდ შეცდომების სიმცირესა და ინტელიგენტურ ფეხბურთში არის დამალული. თუ ხარვეზები გვექნება დავისჯებით, ფეხბურთელებმა იციან, რომ ბერნაბეუზე მაქსიმალური სიზუსტე უნდა გამოიჩინონ.“
„დიდი მადლობა ზიდანს კომპლიმენტებისთვის, მისგან მსგავსი ფრაზების მოსმენა ნამდვილად სასიამოვნო იყო. ფრანგ ლეგენდას იგივე მესიჯს დავუბრუნებდი და ვეტყოდი, რომ მსოფლიოს ერთ-ერთ საუკეთესო სპეციალისტად მიმაჩნია.“
„ბენიტესი, დივანი და ნათურა? არ ვფიქრობ, რომ ამ ანეგდოტთან ვასოცირებდი. რაფაელის კრიტიკას ვერ მივიღებ, მახსოვს როგორ დააქცია მან სამეფო კლუბი.“
„„რეალის“ მთავარი პლიუსი მრავალფეროვნებაა, რომელიც ამ გუნდს შეტევაში აქვს. ზიდანმა არჩევანი უნდა გააკეთოს, არასდროს არავინ იცის, ვინ გაამაგრებს წინა ხაზს. რაც შეეხება დაცვას. ფაქტია, რომ მიმდინარე სეზონში სამეფო კლუბს ყველაზე ნაკლები გოლი აქვს გაშვებული, ამიტომ აგრესიული შეტევა გვმართებს.“
„„მერენგები“ კარგ ფორმაში არიან, მაგრამ საგანგებოდ მოვემზადეთ ამ მატჩისთვის და გვჯერა, რომ 3 ქულის მოპოვება შეგვიძლია.“
„სირთულეები ნებისმიერი პროფესიონალის თანმდევი ასპექტია. არასდროს შემშინებია კრიტიკის და ხმაურის. მე ასე ვცხოვრობ.“
„როდესაც ბერნაბეუზე ვიზიტი გვიწევს, მაქსიმალურად ვიხარჯები. ამ მატჩს უდიდესი მნიშვნელობა ექნება, ამიტომ მოგება აუცილებელია, ბოლომდე ბრძოლას ვგეგმავთ.“
- 31 იანვარი 2020
- 15 254
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
