დღეს 31 იანვარია, რაც იმას ნიშნავს, რომ ზამთრის სატრანსფერო ფანჯარა სულ მალე დაიხურება...

სამეფო კლუბს მხოლოდ რამდენიმე საათი აქვს დარჩენილი იმისთვის, რომ მარიანო და ბრაჰიმ დიასების ბედი გაარკვიოს.

ასევე ბურუსით არის მოცული დანი სებალიოსის „არსენალში“ დარჩენის საკითხი, თუმცა ფაქტია, რომ ესპანელთან დაკავშირებით ბევრი პროცედურაა გასავლელი და რამდენად მოესწრება მომდევნო საათებში საკითხავია.

ასევე ნათელი გახდება, დაიმატებს თუ არა „რეალი“ სხვა მოთამაშეს. იანვრის შენაძენი ბრაზილიელი ტალანტი რეინიერი გახლავთ. რაც შეეხება გაშვებულ მოთამაშეებს. ალვარო ოდრიოზოლა „ბაიერნმა“ წაიყვანა, ხესუს ვალიეხო „ვულვზიდან“ დაბრუნდა და უმალვე აიღო გეზი „გრანადასკენ“.