ჟოზე მოურინიო გამოსავალს ეძებს. „ტოტენჰემი“ უმძიმეს მდგომარეობაშია, მთავარი მწვრთნელი კი მიიჩნევს, რომ გარეთ ბეილის დამატების შემთხვევაში ლონდონური კლუბის შეტევითი პოტენციალი მნიშვნელოვნად გაიზრდება...

სატრანსფერო ფანჯარა 31 იანვარს იხურება, დანიელ ლევის ძალიან ცოტა დრო აქვს იმისათვის, რომ ფლორენტინო პერესთან შეთანხმებას მიაღწიოს და უელსელი ფეხბურთელი პრემიერლიგაში დააბრუნოს.

ამ საკითხთან დაკავშირებით თავად ფეხბურთელი დუმილს ამჯობინებს, მისმა აგენტმა ჯონათან ბარნეტმა კი ჟურნალისტებთნა საუბრისას განაცხადა, რომ გარეთი მსოფლიოს საუკეთესო კლუბის დატოვებას არ აპირებს.

ბრიტანული გამოცემები იუწყებიან, რომ მიმზიდველი ფასის დასახელების შემთხვევაში, „ბლანკოსი“ ბეილს ახლაც შეელევა და ყველაფერი „ტოტენჰემზეა“ დამოკიდებული.