ალბათ, დამეთანხმებით რომ 2009/2010 წლების ლა ლიგის სეზონი, ნამდვილად გამორჩეულია წინამორბედებისაგან.

პრიმერა დივიზიონის მიმდინარე სეზონში, მადრიდის "რეალისა" და "ბარსელონას" წყალობით არა ერთი რეკორდი ემხობა.უწინარეს ყოვლისა, უნდა აღინიშნოს, რომ კატალონიელებმა შეძლეს ესპანეთის პირველობის ისტორიაში ყველაზე მეტი ქულის მოგროვება (93).აქამდე, 96/97 წლების კაპელოს "ბლანკოსის" მიღწევას ვერავინ აუმჯობესებდა (92 ქულაზე მეტის მოპოვება), თუმცაღა გავიდა დრო და ფაბიოს ამ შედეგს დაესვა დაღი.აქვე მინდა აღვნიშნო, რომ "ბარსას" ნახსენები გადასწრება, გაუმჯობესებას კვლავ ექვემდებარება.შესაძლებელია, 2 ტურის შემდეგ, კვარცხლბეკის პირველ საფეხურზე ვნახოთ 99 ქულიანი "ბარსელონა," ან 98 ქულიანი "მადრიდი."

აქვე მინდა პარალელი გავავლო, მსოფლიოს სხვა წამყვან ჩემპიონატებსა და ლა ლიგას შორის (მიმდინარე სეზონის ფარგლებში) - ინგლისის პრემიერ ლიგის დასრულებამდე 1 ტური დარჩა, ხოლო "ჩელსის" აქტივში 86 ქულაა, იტალიაში ორი ტურით ადრე, "ინტერი" 76 ქულათ მოითვლის, რაც შეეხება ბუნდეს ლიგას, " პირველადგილოსანი "ბაიერნი" მხოლოდდამხოლოდ 67 ქულას სჯერდება.

მეგობრებო, ალბათ, კარგად დაინახეთ, რომ პრიმერასნაირი შედეგი, არცერთ სხვა ქვეყნის პირველობაზე არ კურირებს.სწორედ, ამიტომაც ვამბობ, რომ ლა ლიგა სულ სხვაა...