ზინედინ ზიდანმა „ვალიადოლიდთან“ დაპირისპირების წინ პრესკონფერენცია გამართა...

„პრესკონფერენციას ერთი ძალიან კარგი ინფორმაციით დავიწყებთ. ედენ აზარი სრულფასოვან დატვირთვას იღებს, მას აღარ აქვს ტკივილები და ეტაპობრივად დაუბრუნდება მოედანს. არ ვიცი, როდის შევა განაცხადში ბელგიელი, თუმცა ძალიან მალე აზარს საქმეში ვიხილავთ.“

„ყოველთვის ვცდილობთ, არსებული რესურსი 100%-ით გამოვიყენოთ და კონკრეტული დაპირისპირებისთვის საუკეთესო ტაქტიკა ავირჩიოთ.“

„მე, როგორც საფრანგეთის ნაკრების მწვრთნელი და მბაპე? ამაზე საუბარი ახლა ნაადრევია. მხოლოდ „რეალზე“ ვფიქრობ. „მამლების“ გაწვრთნას ადრე თუ გვიან აუცილებლად ვეცდები, მაგრამ ახლა ამაზე საუბრის დრო არ არის.“

„ცუდია, რომ ბეილის დაცვა მიწევს. უელსელმა წინა მატჩი შესანიშნავად ჩაატარა და გოლის გატანაც შეძლო. სამწუხაროდ, გარეთი ახლა ტრავმირებულია და ვერ გვეხმარება. ის ბოლომდე იხარჯება, მაგრამ ტრავმებს ვერსად გავექცევით, სამწუხაროა, რომ ის ხშირად იღებს დაზიანებას. ვიმედოვნებ, ამ სეზონში ბეილის ტრავმა ბოლო იქნება და მომდევნო თვეებს ის საქმეში გაატარებს.“

„ყველამ იცის საკუთარი მდგომარეობა, მათ შორის არიან მარიანო დიასი და ბრაჰიმიც. ისინი ირჩევენ საკუთარ მომავალს. ვნახოთ, რა იქნება.“

„ვინიციუსმა მართლაც დაიბრუნა ნდობა. ბრაზილიელი ძალიან ამბიციური და პერსპექტიული ფეხბურთელია. უნდა აღინიშნოს, რომ ის და როდრიგო მხოლოდ 19 წლის არიან და ყველაფერი წინ აქვთ.“

„ოდრიოზოლას დიდ წარმატებას ვუსურვებ და ვიმედოვნებ, რომ „ბაიერნში“ ბევრ სათამაშო დროს მიიღებს. ესპანელი მოთამაშე ბუნდესლიგის საუკეთესო კლუბში გადავიდა, ჩვენ ეს გადაწყვეტილება ერთობლივი მსჯელობის შედეგად მივიღეთ.“

„სამეფო კლუბში კაზემიროს მნიშვნელობა ძალიან დიდია. დიახ, ბრაზილიელი საუკეთესო ჩამშლელობაზე აცხადებს პრეტენზიას, მაგრამ ფაქტია, რომ სულ ცოტა ხნის წინ დუბლი მიითვალა. ის არის ყველგან, სადაც გუნდს სჭირდება.“

„ჯადოსნური რეცეპტი? გუნდის წარმატების გასაღები, მხოლოდ საოცარ სულისკვეთებაშია. ყველაზე მნიშვნელოვანი სწორედ ეს გახლავთ. 3 დღეში ერთხელ გვიწევს მოედანზე გასვლა და იმის მტკიცება, რომ საუკეთესოები ვართ.“

„1000 პასი ბერნაბეუზე? ადრე ვთქვი და ახლაც ვამბობ. ყველას თავისი გზა აქვს და საკუთარ ფილოსოფიაში ხედავს წარმატების გასაღებს.“