მოგეხსენებათ, დანი სებალიოსი ზაფხულში იჯარის წესით „არსენალში“ განათხოვრდა. 6 ნოემბრის შემდეგ დანის აღარ უთამაშია და ვრცელდება ინფორმაცია, რომ „მეთოფეთა“ მთავარ მწვრთნელთან და ხელმძღვანელობასთან ნახევარმცველს ურთიერთობა უკიდურესად დაეძაბა...

დანი სამეფო კლუბს სთხოვს, რომ ინგლისურ მხარესთან საიჯარო ხელშეკრულება შეწყვიტოს. მეტიც, სებალიოსის აგენტი თავად ცდილობს, ფეხბურთელის ახალი ნავსაყუდელის პოვნას.

ამ ეტაპზე სებალიოსი მზად არის, ნებისმიერ კლუბში გადავიდეს და ზაფხულამდე მეტი სათამაშო დრო მიიღოს, ზაფხულში კი გაცილებით მეტი დრო იქნება იმისათვის, რომ დანის მომავალი გაირკვეს.

დანიმ მიმდინარე სეზონში 17 მატჩში შეძლო მოედანზე გასვლა, მის ანგარისზე 906 წუთია.

სამეფო კლუბი ამ საკითხთან დაკავშირებით ჯერ-ჯერობით დუმს.