როგორც იცით, მადრიდის "რეალს" ლა ლიგის მიმდინარე სეზონში ყველაზე მეტი ბურთი აქვს გატანილი. ამაში კი ყველაზე დიდი წვლილი გუნდის ორ ფორვარდს კრიშტიანო რონალდოსა და გონსალო იგუაინს მიუძღვით.

ამ ორმა თავდამსხმელმა წელს საუკეთესო შედეგი აჩვენა. იგუაინმა წინა სეზონთან შედარებით დიდებული პროგრესი აჩვენა, მის ანგარიშზე 26 გატანილი გოლია. მას უკან მოჰყვება პირტუგალიელი ვარსკვლავი, რომელის პირველ სეზონს ატარებს "ბლანკოსის" რიგებში და უკვე 25 გოლი აქვს გატანილი. ასეთი შედეგი მხოლოდ ჰოლანდიელ თავდამსხმელს, რუდ ვან ნისტელროის ჰქონდა. როდესაც ეს უკანასკნელი კლუბში გადმოვიდა, მან სეზონი 25 გატანილი ბურთი დაასრულა. ასე რომ კრიშტიანოს მისი რეკორდის მოხსნა შეუძლია. საერთო ჯამში გონსალო იგუაინსა და კრიშტიანო რონალდოს 51 გოლი აქვთ გატანილი.

რაც შეეხება კატალონიელების თავდამსხმელებს, მესის და იბრაჰიმოვიჩს, ამ ორმა ფეხბურთელმა საერთო ჯამში 47 გოლის გატანა მოახერხეს. აქედან 31 ბურთი ლიონელ მესის ანგარიშზეა. დანარჩენი 16 კი შვედი ფორვარდს, ზლატან იბრაჰიმოვიჩს ეკუთვნის. საბოლოოდ გამოვიდა ისე, რომ "რეალის" თავდამსხმელებმა "ბარსელონას" ფორვარდები დაჯაბნეს. თეთრებმა 4-ით მეტი გოლის გატანა მოახერხეს.

ბომბარდირთა დავაში პირველ ადგილზე მესია, მას მოჰყვება იგუაინი და მესამე ადგილზე კრიშტიანო რონალდოა.