დიდი ბარტერი - მარსელო „იუვენტუსში“, დუგლას კოშტა „რეალში“
იტალიური გამოცემები იუწყებიან, რომ ტურინის „იუვენტუსს“ მადრიდის „რეალისთვის“ საინტერესო წინადადება აქვს...
„ბებერი ქალბატონის“ ინტერესი მარსელო ვიეირასადმი ჯერ კიდევ არ განელებულა. გავრცელებული ინფორმაციით, ტურინელებს მარსელოს იტალიაში გადაყვანით ორი პრობლემის გადაჭრა სურთ. პირველ რიგში ვიეირას ტრანსფერის შემთხვევასი უბედნიერესი იქნება მისი უახლოესი მეგობარი კრიშტიანო რონალდუ, მეორე რიგში კი მათ მსოფლიო დონის ვარსკვლავი შეუერთდებათ.
შარშან ზაფხულს ვიეირასთან დაკავშირებული მოლაპარაკებები ვერ შედგა, ვინაიდან ფლორენტინო პერესმა არცერთი წინადადება არ მოისმინა, აქედან გამომდინარე, „იუვენტუსმა“ ახალი კონცეფცია შეიმუშავა.
ვრცელდება ინფორმაცია, რომლის მიხედვითაც, „ბებერი ქალბატონი“ „ბლანკოსს“ დუგლას კოშტას შესთავაზებს, სანაცვლოდ კი მარსელოს მოითხოვს.
ფაქტია, რომ „რეალს“ წინა ხაზში ფეხბურთელები არ აკლია, მაგრამ ზიზუს განკარგულებაში ძირითადად ახალგაზრდა და გამოუცდელი მოთაშეები არიან, დუგლასს კი უკვე ძალიან დიდი გამოცდილება აქვს და ხარისხიან ფეხბურთსაც თამაშობს.
- 20 იანვარი 2020
- 2 938
- 47