ზედიზედ 17 წაუგებელი მატჩი
ზინედინ ზიდანის „რეალს“ ზედიზედ 17 წაუგებელი მატჩი დაუგროვდა. პირველ რიგში აღსანიშნავია, რომ ამ 17 დაპირისპირებაში შედის „ელ კლასიკო“ და სხვა ურთულესი შეხვედრები, რომელიც „ბლანკოსმა“ გამართა...
საუკეთესო სტატისტიკის ჩვენება 22 ოქტომბერს დაიწყო, როდესაც სამეფო კლუბმა „გალათასარაი“ დაამარცხა, მას შემდეგ „მერენგებმა“ 16 მეტოქესთან გაარკვიეს ურთიერთობა და არცერთ შემთხვევაში არ დამარცხებულან.
2020 წელი „ბლანკოსისთვის“ შესანიშნავად დაიწყო, ზიზუს გუნდმა უკვე მოასწრო 4 მატჩის გამართვა და ოთხივეში გამარჯვებას მიაღწია.
უნდა აღინიშნოს, რომ გასული 4 მატჩი დედაქალაქელებმა „ხეტაფესთან“, „ვალენსიასთან“, „ატლეტიკოსთან“ და „სევილიასთან“ გამართეს. ჩამოთვლილი ოთხივე გუნდი მიმდინარე სეზონში ანგარიშგასაწევ ძალას წარმოადგენს.
„ბლანკოსი“ კარგი სერიის გაგრძელებას სამეფო თასზე „სალამანკას“ წინააღმდე ეცდება, შემდეგ კი კვლავ ლა ლიგაზე გადაერთვება, სადაც მადრიდელთა მეტოქე „ვალიადოლიდი“ იქნება.
- 19 იანვარი 2020
- 2 327
- 32