ესპანურ გამოცემებზე დაყრდნობით, რამდენიმე დღის წინ მადრიდის „რეალის“ წარმომადგენლობა ბრაზილიელი რეინიერის ოჯახს შეხვდა...

მხარეებმა სამომავლო თანამშრომლობის პერსპექტივა განიხილეს.

მადრიდის „რეალმა“ ბრაზილიელი ფეხბურთელის ოჯახს გააცნო გეგმა, რომლითაც „ბლანკოსი“ მოქმედებას აპირებს.

გეგმის მიხედვით, რეინიერი 6 თვე კვლავ ბრაზილიაში დარჩება, შემდეგ სამეფო კლუბთან ერთად პრე-სეზონს გაივლის და ყველაფერი ზიდანის გადაწყვეტილებაზე იქნება გამოკიდებული. თუ ზიზუ ჩათვლის, რომ რეინიერი მთავარ გუნდში სათამაშოდ მზად არის, ბრაზილიელი ნახევარმცველი მთავარ კოლექტივში დარჩება, თუ არადა რაულ გონსალესთან გადაინაცვლებს და კასტილიაში მოემზადება.

ამასთანავე მადრიდის „რეალი“ რეინიერს უზრუნველყოფს საცხოვრებელი სახლით და მაქსიმიმუმს გააკეთებს იმისათვის, რომ ფეხბურთელმა და მისმა ოჯახმა ახალ გარემოსთან ადაპტაცია დროულად გაიარონ.