სამეფო კლუბის გენერალური დირექტორი, ხორხე ვალდანო, "მალიროკას" დამარცხების შემდეგ "La Sexta"-ს ჟურნალისტს ესაუბრა.

"კრიშტიანუ რონალდუ ბრწყინვალე ფეხბურთელია.მადრიდის "რეალმა" მისი დახმარებით სეზონის ყველაზე მნიშვნელოვანი თამაში მოიგო."

"რა თქმა უნდა, პორტუგალიელის წვლილი დიდია გუნდის წარმატებაში, თუმცა მადრიდი მხოლოდ ერთ მოთამაშეზე არაა დამოკიდებული.ამაზე კარგად მეტყველებს ის ფაქტი, რომ როდესაც რონი ტრავმის გამო უქმობდა, ჩვენ პრიმერაში გალიდერება შევძელით."

"ბლანკოსის" ამოცანად კვლავ რჩება დარჩენილი ორი თამაშის მოგება.იმედია, კატალონიელები შემდეგ ტურში ქულებს დაკარგავენ, რაც ჩვენ ჩემპიონობის შანსს მოგვცემს."