მადრიდის "რეალის" მეგა-ვარსკვლავმა, კრიშტიანუ რონალდუმ, "მალიორკასთან" პირველი ჰე-თრიქის შესრულება შეძლო, "ბლანკოსის" მაისურით.

პორტუგალიელ გოლეადორს, უკვე 25 გოლი დაუგროვდა პრიმერაში, თუმცა სამწუხაროდ "პიჩიჩისთვის" ბრძოლა, მიმდინარე სეზონში მაინც არარეალურია, რამეთუ კატალონიელმა მესიმ 31 გოლის გატანა მოახერხა (მომავალი სეზონი წინ არის).

სეზონის მეორე ნახევარში, რონი საკმაოდ კარგად ირჯება.მან ამ პერიოდში მოახერხა "ოსასუნასა" და "ხეტაფეს" კარებში დუბლის შესრულება, ხოლო "ვილირეალის," "სევილიას," ალმერიას," "რასინგის," "ვალიდოლიდის," "ტენერიფესა" და "ვალენსიას" თითო-თითო გოლით დამწუხრება.

აქვე მინდა აღვნიშნოს, რომ სამეფო კლუბს 92 ქულა არასოდეს მოუპოვებია პრიმერა დივიზიონის ისტორიაში.პელეგრინის შეგირდებმა, 96-97 წლების სეზონში კაპელოს მიერ დამყარებული რეკორდების მოხსნა შეძლეს.