სეზონის სტარტზე, როდესაც ტიბო კურტუას საშინელი კრიტიკა დაატყდა თავს, ვერავინ წარმოიდგენდა, რომ ბელგიელი კიპერი „ზამორას“ ჯილდოსთვის იბრძოლებდა...

ხსენებულ ჯილდოს იღებს ლა ლიგის საუკეთესო მეკარე, რომელიც 38 ტურის განმავლობაში ყველაზე ნაკლებ გოლს გაუშვებს.

„ზამორა“ „ბლანკოსის“ კიპერებს იშვიათად ხვდებათ ხოლმე წილად, გამომდინარე იქედან, რომ სამეფო კლუბი ხშირად უშვებს გოლებს, მაგრამ მიმდინარე სეზონში სიტუაცია რადიკალურად შეცვლილია.

ზიზუს გუნდს 19 დაპირისპირებიდან 10-ში კარი მშრალად აქვს შენახული. ტიბო კურტუამ მხოლოდ 12 გოლი გაუშვა და ამ მაჩვენებლით „ატლეტიკოს“ კარის დარაჯთან ერთად საუკეთესოა.