მადრიდის „რეალს“ 2019 წლის განმავლობაში 54 მატჩი გამართა და 100 გოლი გაიტანა. მსგავსი მაჩვენებელი სამეფო კლუბს ბოლო 10 წლის განმავლობაში არ ჰქონია...

თითო მატჩში „ბლანკოსი“ საშუალოდ 2 გოლის გატანასაც ვერ ახერხებდა.

თუნდაც 2018 წელთან რომ გავაკეთოთ შედარება, კლუბს 42 გოლით ნაკლები აქვს გატანილი 2019-ში. მართალია 2018 წელს „ბლანკოსმა“ 60 მატჩი გამართა და 142 გოლს მოუყარა თავი, თუმცა 54 დაპირისპირებაში 100 გოლი, თითო მატჩში საშუალოდ 1.88 გოლია, რაც თავისთავად საშინელი შედეგია ისეთი გუნდისთვის, რომელიც ყველა ტიტულზე აცხადებს პრეტენზიას.

ბოლო ათწლეულის საუკეთესო მაჩვენბელი 2014 წელს დაფიქსირდა, როდესაც „მერენგებმა“ 63 მატჩი ჩაატარეს და აქტივში 178 გოლი ჩაიწერეს.