კარლოს კარპიო:„ზიდანი კაზემიროს ღუპავს“
ესპანურმა ანალიტიკოსმა, კარლოს კარპიომ განაცხადა, რომ ზინედინ ზიდანის გადაწყვეტილებები კაზემიროსთან მიმართებაში არასწორია...
„ჩვენ ვხედავთ კაზემიროს, რომელიც ყველა მატჩში ბოლომდე იტვირთება და არანორმალურ ზეწოლას უძლებს.“
„ადრე თუ გვიან კაზემირო მძიმე ტრავმას მიიღებს, რაც ზიზუს ძვირად დაუჯდება, ვინაიდან „რეალში“ მისი შემცვლელი არ არსებობს.“
„ვერ ვხვდები, რატომ გავიდა მოედანზე კაზე „ბრიუგესთან“ მატჩში, როდესაც ყველაფერი გადაწყვეტილი იყო.“
„ერთადერთი რამ, რაც კაზემიროს წისქვილზე ასხამს წყალს, მისი 4 ყვითელი ბარათია. აქედან გამომდინარე ზიდანმა შესაძლოა არ გარისკოს და „ვალენსიასთან“ მატჩში ნახევარმცველი მოედანზე არ გაიყვანოს, ვინაიდან 18-ში „ბლანკოსს“ „ნოუ კამპზე“ მოუწევს ჩასვლა.“
„ამასთანავე ხშირად ვეცნობი სატრანსფერო მოვლენებს და ვკითხულობ, რომ „რეალს“ სურს პოგბა, ერიკსენი, ვან დე ბეეკი, ფაბიან რუისი, ოდეგორი და ასე შემდეგ. ჩამოთვლილი ფეხბურთელებიდან არცერთი არ არის კაზემიროს შემცვლელი. ვფიქრობ, სამეფო კლუბმა ამ მიმართულებით უნდა იფიქროს.“
„თუ მიმდინარე სეზონში კაზემირო გადაიტვირთა და მძიმე ტრავმა მიიღო, „რეალს“ სავალალო შედეგები ექნება.“
- 13 დეკემბერი 2019
- 4 035
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
