ზიდანი:„ვინიციუსის თამაშის საჭიროება არ დამდგარა“
ზინედინ ზიდანმა „ალავესთან“ მატჩის შემდეგ პრესკონფერენცია გამართა...
„ზუსტად ვიცოდით, რომ რთული მატჩი გველოდა და დიდი ძალისხმევის გარეშე შედეგის მიღწევა გამორიცხული იქნებოდა. მნიშვნელოვანია, რომ ფეხბურთელებმა შემართება გამოავლინოს და 3 ქულა მოვიპოვეთ. მნიშვნელოვანი მატჩი გამოდგა და ბედნიერები უნდა ვიყოთ.“
„ლა ლიგა ძალიან გრძელი ტურნირია, მაგრამ არაერთხელ დამტკიცებულა, რომ ყველა დაპირისპირებას და თითოეულ ქულას დიდი მნიშვნელობა აქვს. ჩვენ პირველი გოლი გავიტანეთ, მაგრამ „ალავესმა“ ქომაგების დიდი მხარდაჭერის ფონზე ანგარიშის გათანაბრება მალევე შეძლო და ყველაფერი თავიდან დაიწყო. ამინდი ორივე გუნდის ფეხბურთელებს უშლიდა ხელს, თუმცა ჩვენ გვჯეროდა, რომ შედეგს მივაღწევდით. თავდაჯერებულობა და მშვიდი თამაში ყოველთვის მნიშვნელოვანია.“
„გასვლითი თამაშები ყოველთვის პრობლემებთან არის დაკავშირებული. ჩვენ ყველა ტურში ვაჩვენებთ, რომ ვიზრდებით და თამაშის ხარისხს ვაუმჯობესებთ.“
„როტაცია გარდაუვალია, სხვაგვარად შედეგებს ვერ მივაღწევთ. სეზონის მანძილზე 60-70 მატჩის გამართვა გვიწევს, რასაც ძალიან დიდი ძალა სჭირდება. დღეს მილიტაომ ბრწყინვალე შთაბეჭდილება დატოვა, ის მოედანზე ხშირად არ სჩანდა, მაგრამ კიდევ ერთხელ გვიჩვენა საკუთარი კლასი. ედერმა რაფა ვარანი უმტკივნეულოდ შეცვალა, ფრანგს კი დავენების საშუალება მიეცა.“
„25 ფეხბურთელი მყავს და ყველას მიეცემა შანსი, ამით რესურსსაც სრულად ვითვისებთ და გუნდიც ისვენებს.“
„ისკო გვეხმარება იმაში, რომ გავაგრძელოთ გზა, როგორც გუნდმა. ალარკონს არნახული გამოცდილება აქვს და ძალიან მაღალი კლასის მოთამაშეა, მან კიდევ ერთი ეფექტური თამაში ჩაატარა „ალავესის“ წინააღმდეგ და 3 ქულის მოპოვებაში დიდი წვლილი შეიტანა.“
„ხამესი აღდგენით პროცესს განაგრძობს. სიჩქარე არ ღირს, კოლუმბიელის სარეაბილიტაციო კურსმა სრულფასოვნად უნდა ჩაიაროს.“
„ატლეტიკოს და „ბარსელონას“ მატჩი ძალიან საინტერესო იქნება.“
„ვინიციუსი იმიტომ არ ვათამაშე, რომ საჭიროება ვერ დავინახე, სხვა მიზეზი არ არსებობს.“
- 30 ნოემბერი 2019
- 3 967
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
