19 ოქტომბერს „მალიორკასთან“ საშინელი თამაშისა და წაგების შემდეგ, მადრიდის „რეალის“ ქომაგები პესიმიზმით აივსნენ, მაგრამ არავინ იცოდა, რას გააკეთებდა ზიდანის გუნდი მომდევნო თამაშებში...

19 ოქტომბერის შემდეგ სამეფო კლუბმა 6 მატჩი გამართა, 19 გოლი გაიტანა და მხოლოდ 2 გაუშვა.

ზიზუს ტრიუმფალური სვლა „გალათასარაისტან“ თურქეთში გამარჯვებით დაიწყო, მას შემდეგ იყო „ლეგანესთან“ 5-0, ასევე „გალათასარაისთან“ ბერნაბეუზე 6-0, „ეიბართან“ გასვლით მატჩში 0-4 და ასე შემდეგ.

ფაქტია, რომ „ბლანკოსი“ თითო მატჩში საშუალოდ 3 გოლზე მეტს იტანდა და საკუთარ კარს ფაქტობრივად მშრალად ინახავდა.

„პსჟ“-სთან დაპირისპირებას ზინედინ ზიდანის გუნდი ოპტიმალურ ფორმაში ხვდება და ყველას იმედი აქვს, რომ პარიზში განცდილი 3-0, ბერნაბეუზე გამართული მატჩის შემდეგ ყველას დაავიწყდება.

ტუხელის გუნდის დამარცხებას სხვა დატვირთვაც აქვს. თუ „მერენგები“ საშნალ არენაზე მოიგებენ, 1/8 ფინალის საგზურს გაინაღდებენ.