ემილიო ბუტრაგენიომ „სოსიედადთან“ დაპირისპირება შეაფასა...

„არ დავიბენით, ბრძოლისუნარიანობით, სიმწიფითა და სრულფასოვნებით მოვახერხეთ მნიშვნელოვანი 3 ქულის მოპოვება საკმაოდ სოლიდურ მეტოქესთან, რომელიც მიმდინარე სეზონში ლა ლიგის ლიდერთა შორის არის.“

„გუნდი ბოლო მატჩებში შესანიშნავ დონეს გვთავაზობს. ეს იყო გარდამავალი დაპირისპირება, სადაც ვნახეთ მადრიდული გუნდის თამაში როგორც ბურთის, ასევე ბურთის გარეშე. ყველა ასპექტში მოწოდების სიმაღლეზე ვიდექით, უდავოდ ასეა.“

„ზიდანს თითოეულ პოზიციაზე რამდენიმე ვარსკვლავი ჰყავს, გუნდი შესანიშნავად არის დაკომპლექტებული და პროგრესიც აშკარაა.“

„ძალიან კარგად ვიცით, რა შეუძლია „პსჟ“-ს და რა დონის ფეხბურთელები ჰყავს ტომას ტუხელს, მაგრამ მზად ვართ, რომ საშინაო არენაზე გავიმარჯვოთ და 3 ქულა მოვიპოვოთ. გუნდის ამჟამინდელი ფორმა ნამდვილად გვაძლევს ოპტიმიზმისა და გამარჯვებაზე ფიქრის საფუძველს.“

„ბეილმა მოედანზე შესანიშნავი 30 წუთი დაჰყო, უელსელი მუდმივად აქტიურობდა, მოძრაობდა, სივრცეებს ქმნიდა და შეტევებს ამწვავებდა. ზიზუმ უკვე განაცხადა, რომ ის გუნდისთვის უდიდესი ძალაა.“

„მსურს მივმართო ქომაგებს და გავახსენო, რომ ბეილთან ერთად სამეფო კლუბმა უამრავი ტიტული მოიგო, რაშიც უელსელის წვლილი ძალიან დიდია. გაითვალისწინეთ ის სირთულეები, რომელიც ჩვენმა კლუბმა გარეთთან ერთად გადალახა. ეს ყველაფერი ერთიანობამ მოიტანა, აქედან გამომდინარე, ქომაგებმა ყველა შეგირდს მხარი უნდა დაუჭირონ.“

„ოდეგორი? კმაყოფილი ვართ, მისი პროგრესით. ნორვეგიელს ძალიან დიდი ფიზიკური და გონებრივი შესაძლებლობა აქვს, ის კიდევ იზრდება და დარწმუნებული ვარ, მოვა დრო, როდესაც მადრიდს შემოუერთდება.“