სამეფო კლუბის დღევანდელი მოწინააღმდეგე პამპლონის ოსასუნაა, "წითლების" ერთ-ერთმა წამყვანმა ფიგურამ, არანდამ მატჩთან დაკავშირებით ისაუბრა. მისი თქმით "ბლანკოსის" დამარცხება წარმოუდგენლად რთული იქნება, მაგრამ მისი გუნდი დანებებას არ აპირებს.

"ჩვენ ძალიან კარგად ვაცნობიერებთ, რომ პელეგრინის შეგირდების დამარცხება ძალიან რთული იქნება , მაგრამ მოედანზე ბოლომდე დავიხარჯებით და მაქსიმუმს გავიღებთ. 1 ქულაც კი დამაკმაყოფილებელი იქნება ასეთ მძიმე მატჩში."

"რეალის ფეხბურთელები საშინაო არენაზე განსაკუთრებით დამაჯერებლად თამაშობენ, მათ მხოლოდ ბარსელონასთან წააგეს შინ, დანარჩენ მატჩებში კი სრული უპირატესობა ჰქონდათ."

"დარწმუნებული ვარ ურთულესი მატჩის ჩატარება მოგვიწევს. მთავარმა მწვრთნელმა ბოლო დარიგებები უკვე მოგვცა, იმედი გვაქვს, რომ კარგად ვითამაშებთ და ერთი ქულის აღებას მაინც მოვახერხებთ."