მადრიდის რეალი უკიდურესად არასტაბილურ სეზონს ატარებს და მადრიდელები ჯერ-ჯერობით ოპტიმალური ფორმის პოვნას ვერ ახერხებენ.

მიუხედავად იმისა რომ ბოლო მატჩებში დაცვითი პრობლემების გადაჭრა მოხერხდა და გუნდმა ზედიზედ 3-ჯერ შეინახა კარი მშრალად, თავდასხმაში არსებული დანაკლისების ანაზღაურება ბეტისის წინააღმდეგ რეალმა ვერ მოახერხა.

მატჩისშემდგომ ინტერვიუში გუნდის კაპიტანმა, სერხიო რამოსმა გულწრფელად ისაუბრა და თქვა, რომ „რეალი საკუთარ თავზეა გაბრაზებული. გვქონდა შანსი ბარსელონას შეცდომით გვესარგებლა და ცხრილის სათავეში დავბრუნებულიყავით, მაგრამ ეს შანსი ვერ გამოვიყენეთ“.

თუმცა, გუნდის თამაშით უკმაყოფილების გამოთქმისგან თავი შეიკავა ზინედინ ზიდანმა, რომელმაც მატჩის ერთადერთ ნაკლად უგოლობა ჩათვალა. „თამაშის ტემპი, ინტენსიურობა და გუნდის პერფორმანსი იდეალური იყო, ერთადერთი რაც გვაკლდა გოლია.“ - განაცხადა ზინედინ ზიდანმა.

რეალს ზამთარში საკმაოდ რთული კალენდარი ელოდება და მომენტების გამოუყენებლობა გუნდისთვის შესაძლოა ყველაზე დიდი პრობლემა იყოს.



გაწევრიანდით adjarabet.com-ის ჯგუფში ფეისბუქზე და მიიღეთ ექსკლუზიური შეთავაზებები!