2018 წლის შემდეგ, ბელგიელი გოლკიპერის რეალში გადმობარგების ამბავი ერთ-ერთ მთავარ განხილვის საგნად რჩებოდა და რეალის ფანებს შორის მრავალ უთანხმოებასაც იწვევდა.

გულშემატკივრების ნაწილი კურტუას ტრანსფერს უარყოფითად აფასებს და ამას მატჩების დროს სტვენითაც გამოხატავდნენ ხოლმე, მაგრამ ბოლო თამაშებში, ტიბოს ბერნაბეუ შესამჩნევლად უკეთესად შეეგება და გოლკიპერმა ეს ყველაფერი საკუთარ თამაშზეც ასახა.

ტიბომ ბოლო 2 მატჩში კარი მშრალად შეინახა და საკმაოდ შთამბეჭდავი სეივების განხორციელებაც მოახერხა. ლა ლიგის მიმდინარე სეზონში მეკარე მატჩში საშუალოდ მხოლოდ 0.9 გოლს უშვებს. გასულ სეზონში ეს მაჩვენებელი 70%-ით უფრო მაღალი იყო.

კურტუა მიმდინარე სეზონში კარს მშრალად მატჩების 38%-ში ინახავს, რაც წინა სეზონში დაფიქსირებულ 27%-თან შედარებით საგრძნობელი პროგრესია.



მიიღე ფრისპინები ყველა გატანილ გოლზე adjarabet.com-ზე!